生仔湊仔這回事真是啞巴吃黃蓮

生仔湊仔這回事真是啞巴吃黃蓮，有苦自己知，即使是身邊的一個又明白多少？

我之所以有時如此不開心，是因為冇人明白之餘，有時還有很多人給說話你聽......

雖然柏柏是一個非常可愛的BB，有時他會對著你笑得好燦爛，那一刻的我的確好冧；

但一日廿四小時都是這樣─餵奶、餵奶、餵奶(因為柏柏是少食多餐的BB，每兩小時吃一次奶，三個多月仍未戒夜奶)，

生活便變得很枯燥無味(跟以前做老師，一天到晚都是忙忙忙，真是差十萬八千里)。

老公成日跟我說，叫我別在意外人的評語、意見，

但我又想，這是否叫"針不扎到肉不知痛"呢？

我每分每秒都十分努力照顧柏柏，但換來的不是欣賞，而是批評，再不然便是埋怨，聽者如我豈不憤怒嗎？

有多少個人知道我乳腺栓塞時，多少個下午、晚上痛得獨自流淚？

有多少個人知道乳頭痛得令人瘋癲，但我仍要忍受痛楚，繼續埋身餵哺？

有多少個人知道我晚上要不停起床餵哺，每天總是睡不飽的 (但枕邊人仍呼呼大睡)？

有多少個人知道我一整天困在屋子裡，聽柏柏哭鬧不知多少回？

有多少個人知道我因為要整天抱著柏柏，左手痛完，又到右手痛？

冇。一個也沒有。

身邊的人只會諸多意見：

BB好似唔太長肉，比較細粒，補粉啦！

係你自己堅決要餵人奶，一早全奶粉咪唔洗咁辛苦囉！(我最尊敬的爸爸都是這樣說)

多D抱過來俾我地見下啦！遲D BB真係唔認得我地咖啦！(6299這樣說，他們根本不明白柏柏食奶的問題)

一日到黑都係對住你一個媽媽，梗係唔鐘意啦！

你換片換衫換得咁慢，因住冷親BB呀！最好整個暖風機係屋企啦！(我阿媽已經向我提過三四次)

唔返工只湊仔咁咪好浪費(讀咁多書都唔做野)？你個仔真幸福囉！冇幾萬蚊咁來湊佢...... (身邊的姨媽姑姐成日都咁話我同柏柏)

哎呀~你因住張被仔掩住BB塊面，焗親佢呀！

哎喲！BB著咁少衫，因住冷親呀！

哎喲！BB著咁多衫，因住焗親呀！

你點做人媽媽咖~連媽媽袋都唔帶，水壺又冇，BB點飲水呀？

你咁抱咪唔啱囉！雞手鴨腳......

哎呀哎呀！因住BB條頸呀！未夠力咖~因住扭親佢條頸呀！

意見批評多的是，但幫手呢？冇。

老公又說：不如你出來工作吧！既然你如此不適應FTM的生活，為了你的精神健康，寧願請工人照顧柏柏，讓你可以出來工作。

但我又不捨得放手呀！因為我不想讓外人有機可乘，尤其是我的99。

見到其他做了媽媽的姊妹跟99關係相當好，

但我則不然，跟99如陌路人。

原因好簡單，因為我的99只會關心柏柏(至於我，算吧啦！)，

而且她的方法我又不敢苟同，所以我寧願自己辛苦一點，都不要99插手干預柏柏的教養問題。

如此說來，我是一定要適應FTM的生活，即使要忍受幾多閒言閒語，又要忍受幾多別人的不解。

就讓我繼續自我麻醉，只活在自己FTM的世界裡面吧！

幼教玩具一覽 (0-2m)

由懷孕開始，我便讀了很多育兒書，又在網上搜集了不少資料，確定了孩童成長的需要和發展目標後，便四出搜購有用的幼教玩具。

今日先介紹下我搜購得來的成果中，適合0-2m孩兒玩的玩具啦！

這個活動玩具最大特色不單在於它會移動，會吸引寶寶的視線，讓他追隨玩具的活動；

更在於那些公仔是深啡色與白色配搭，如此對比色強的公仔，加上有些圓點及斜紋，進一步訓練0-2m的BB。(0-2m的BB對黑白色較為敏感)

P.S. 同樣是活動玩具，但這個活動玩具是留待BB 3個月大才用，因為這個較七彩繽紛，3個月後的BB較喜歡看色彩豐富的物件。

以上兩個懸掛玩具的特點除了有鮮艷的顏色，可吸引BB視線外，更重要是公仔的不同部分乃由不同質地的物料所做成。BB一學會抓東西時，便能從中掌握不同質地的物件，訓練觸感。

踢踢小鋼琴是當BB的腳仔會隨意舞動時，便可以利用此玩具訓練BB的聽覺及耳腳協調能力的。

這個鏡子玩具則正如上表所言，可以讓寶寶照鏡子，觀察自己，加強其自我意識。

上面兩款搖響玩具，則如上表所言，讓寶寶尋找聲源，訓練耳朵和精細動作。